Faisaia

Faisai arraza ezberdin asko erregistratu dira eta zaila da purutasun maila absolutua duten aleak aurkitzea. Hauek dira gure herrialdeko espezierik ohikoenak:

• Mongoliako faisaia (Phasianus colchicus mongolicus)

  Luma zurixkak eta nabarrak ditu, argiagoak sabelaldean. Espainian haragitarako hazten den espezie bakarra da, eta ekoizpenaren zati handi bat kirol-ehizarako erabiltzen da.

• Faisai eraztunduna edo lepokoa (Phasianus colchicus torquatus)

  Lepoa inguratzen duen lepoko zuriagatik deitzen zaio horrela, eta lepoko luma berde distiratsuak ere deigarriak dira. Emeak tamaina txikiagoa du eta bere lumak marroi argi kolorekoak dira, erdian ilunagoak. Horixe da Espainian gehien hedatu den barietatea, gorputzaren garapen onari, goiztiartasunari eta landatartasunari esker.

Hazteko metodoaren arabera, faisaiak basatiak izan daitezke, animalia basatiak bezala aske hazten badira, edo granjakoak. Lehenen haragiak oso zapore gogorra eta markatua du, eta etxaldeko faisaiena, berriz, haragitsuagoa da, baina ez hain zaporetsua.

Espezieen kontserbazioa eta aniztasun genetikoaren zaintza bermatze aldera, 1989tik indarrean dago nazio osoan merkaturatu beharreko espezieak arautzen dituen legea. Faisaiaren kasuan, Phasianus colchicus da. Horrek esan nahi du aipatutako espezie horiek bakarrik merkaturatu ahal izango direla bizirik, bai industria-granjetatik datozenak, bai ehiza-barruti baimenduetatik datozenak.