Txahala, behia eta idia

Gaur egun Espainian dauden Adierazpen Geografiko Babestu gehienak behikiz eginak dira. Produktu horiek eremu geografiko jakin batzuei lotuta daude, batzuetan abere-arrazei, eta kalitateagatik nabarmentzen dira. Horien gainean kontrol zorrotzak egiten dira, ustiategietan animalia jaiotzen denetik haragia saltokietara iristen den arte. Izendapen horiek bermatzen dute haragia behi-arraza jakin batzuetatik bakarrik datorrela, normalean bertakoak izaten direla, eta abelburuak leku jakin batzuetan jaio eta hazi direla, ezarritako hazkuntza-prozesu batzuei jarraiki, adibidez, elikadurari dagokionez.

Carne de Ávila (IGP)

Haragi hori lortzeko azienda arraza avilesiar-beltz iberiarretik dator soil-soilik. Natur baliabideak ustiatuz elikatzen da; udan mendiko larreak eta neguan larreak, baina zerealekin eta lekadunekin osa daiteke.

Carne de Morucha de Salamanca (IGP)

Haragi hori Morucha arrazatik lortzen da. Ganadua baliabide naturalez elikatzen da.

Ternera Gallega (IGP)

Arraza Rubia Galegoa, Ipar-mendebaldeko Beltzaranak, beren arteko gurutzaketak, eta aipatutako arrazetako arren lehen belaunaldiaren arteko gurutzaketak, dagozkien erregistroetan Frisona eta Pardo Alpina arrazetako emeekin inskribatuak. Larrez elikatzen dira, Galiziako ustiapen-arauen arabera.

Carne de la Sierra de Guadarrama (IGP)

Avileña eta Negra Ibérica arrazetako behi-azienda, limusina, txarolesa eta haien gurutzaketak. Natura-baliabideetatik bertatik elikatzen dira.

Nafarroako Aratxea (IGP)

Pirinioetako arrazak, Akitaniako blondea, Alpeetako nabarra eta Txaroleak. Pirinioetako arraza eremu geografikoko autoktonoa da, eta AGB honen oinarria da. Haien elikadura Nafarroako larreen aprobetxamendurako arauetara egokitzen da.

Vedella dels Pirineus Catalans (IGP)

Bruna dels Pirineus arrazak, Txarolesa, Limusina eta haien arteko gurutzeak. Esnealdia naturala da beti, eta gutxienez 4 hilabetekoa. Garai horretan txahala esnez eta belarrez bakarrik elikatzen da. Hazteko eta gizentzeko fasean, abereak bazkarekin eta pikor-kontzentratu batekin elikatzen dira. Kontzentrazio hori Kontseilu Arautzaile eskudunak onartzen du.

Euskal Okela (IGP)

Haragitarako behi-arrazak eta horien gurutzaketak, tradizioz Euskal Autonomia Erkidegoan ekoiztu eta ustiatu direnak: Pirinioak, Limusina, Pardo Alpina, Blonda eta bere gurutzeak, batez ere Pirinioak, bertako arraza. Ganadua Euskal Herriko larreez elikatzen da.

Ternera Asturiana (IGP)

Haranetako arraza asturiarra eta mendialdeko arraza asturiarra eta haien arteko gurutzaketetakoa. Elikaduraren oinarria larreen ustiaketa da

Carne de Cantabria (IGP)

Tudanca, Montxina, Asturiana, Arre-Alpina eta Limusina arrazak eta beren gurutzeak, guztiak zonaldera egokituak. Elikaduraren oinarria larreen ustiaketa da.

Ternera de Extremadura (IGP)

Bertako arrazak: Retinta, Avileña - Negra Ibérica, Morucha, Blanca Cacereña eta Berrendas. Arraza horiek Espainiako eta bertako arrazekin gurutzatzen dira. Extremadurako ekosistemako larreez elikatzen dira.