Verduras e hortalizas da Á a Z:
Venado
Clasificación
En función da especie, os tipos de venado son os seguintes:
O cervo ou venado (Cervus elaphus)
Esta especie habita en todo o continente europeo e presenta un corpo delgado, pelo curto, patas longas e cola curta. A cor da súa pel varía en función da estación, de modo que na primavera presenta unha cor parda e no inverno gris. Este animal pode alcanzar os 135 quilos de peso. A tempada de caza esténdese durante todo o outono e parte do inverno. A súa carne presenta unha cor máis intensa que a carne de corzo e gamo, e resulta moi saborosa e aromática.
O corzo (Capreolus capreolus)
O corzo é, de todos os cérvidos, o que máis abunda en Europa e habita nos bosques de clima tépedo. Tamén é o de menor tamaño, cun peso entre 15 e 30 quilos, presenta unha pel de cor arroxada no verán e gris no inverno. A tempada de caza desta especie prolóngase desde mediados de setembro até principios de novembro.
O gamo (Dama dama)
O gamo distínguese moi ben porque é a única especie de venado que presenta unhas manchas brancas na pel. Alcanza un peso de 130 quilos e a súa tempada de caza ábrese a mediados de outubro e conclúe a finais de febreiro.
