Poldros e cabalos

O consumo de carne de cabalo foi moi común en países tan dispares como Siria, Irán, China, Mongolia, Exipto e outros espazos africanos. En Europa o seu consumo estivo moi restrinxido como consecuencia de que a Biblia consideraba impura a carne de cabalo. Xunto a esta razón de raíces culturais, o seu consumo segue sendo pouco popular na actualidade, pola recoñecida repulsa que o consumidor, sobre todo o urbano, manifesta pola carne de animais que se consideran de compañía. E entre eles, o cabalo, o pony e a egua ocupan un espazo ligado ao lecer, o deporte e mesmo a manifestacións culturais como o toureo e a danza dacabalo.